Blogg.undraland.is Blogs

20.10

halldorah — Tue, 20 Oct 2009 12:59:58 +0000

í dag komu krakkarnir í 1.bekk til okkar og fóru með okkur í stöðvavinnu. Það var málað, kubbað í einingakubbum, leikið með trédúkkur og farið í skóginn. Það var líf og fjör hjá okkur alltaf gaman að fá gesti.

Eftir hádegi ætlum við svo í gönguferð að Högnastöðum og kaupa egg, hver veit nema að þau verði soðin í hvernum í næstu viku.

16. okt.

halldorah — Fri, 16 Oct 2009 13:10:15 +0000

Leikandi og frjálslegur föstudagur. Í dag var perlað, leirað og kubbað einnig voru dregin fram spil svo var farið út í blíðuna. Eftir hádegi var svo leikið úti í rokinu og rigningunni og leikið svo inni í skemmtilegum leikjum.

Takk fyrir fjöruga og skemmtilega viku. Góða helgi

Halldóra, Móa og Elín

Ömmu og afadagur

halldorah — Wed, 14 Oct 2009 15:57:16 +0000

Dagurinn í dag var afskaplega líflegur og skemmtilegur. Öll börnin á Skógarkoti fengu heimsókn. Ömmurnar og afarnir fóru í art-tíma og lærðu að hlusta, tala fallega og að bíða eftir að röðin komi að þeim. Svo var perlað, púslað, spilað, kubbað, sungið og farið á bókasafnið. Takk kærlega fyrir daginn.

Aðalfundur foreldrafélagsins

halldorah — Thu, 08 Oct 2009 13:14:26 +0000

Aðalfundur foreldrafélagsins er í kvöld kl 20:30 hvetjum sem flesta til að mæta.

8. október

halldorah — Thu, 08 Oct 2009 13:11:57 +0000

Þessa vikuna höfum við verið að undirbúa ömmu og afa kaffi sem er á miðvikudaginn 14. okt. Börnin hafa verið að útbúa boðskort sem fara heim á mánudaginn, búið til ömmur og afa og einnig sagt okkur frá því sem ömmur og afar gera.

Á morgun kemur svo presturinn til okkar.

Í art-i höfum við verið að ræða rétt og rangt og hefur öllum gengið vel að skilgreina rétt frá röngu.

Kveðja Halldóra, Móa og Elín

Stöðvar í október

halldorah — Thu, 01 Oct 2009 13:52:26 +0000

Í stöðvavinnu í október verða þessar stöðvar:

Tónlist: þar verður unnið með takt, hátt og lágt hlustað á tónverk og farið í leiki. Kennari er Móa

Einingakubbar: Unnið með kastalabyggingar. Kennari er Elín

Myndlist: Allt sem viðkemur listrænni sköpun. Kennari Elín

Útikennsla: Rannsóknar ferðir í skóginn, lærum að tálga og vinnum úr efnivið skógarins. Kennari er Halldóra

Snillingar og Vitringar

halldorah — Wed, 30 Sep 2009 15:50:09 +0000

Snillingar eru: Andrea Ósk, Arngrímur Jökull, Bjartur Snær, Damian, Ingibjörg Bára, Vignir Öxndal, Sonja ýr og Þórey Þula.

Vitringar eru: Anna María, Guðrún Lilja, Gísli Gunnar, Óðinn Freyr, Patrik, Sveinn Jökull, Þóra Lind og Valdís Una.

Snillingar vinna saman eftir hádegi á miðvikudögum og þegar að skólaheimsóknir eru.

Vitringar vinna í tveim hópum í art á þri, mið, fim. Og í útikennslu eftir hádegi á miðvikudögum með Steinunni Ingibjörgu.

Í stöðvavinnu vinnum við öll saman við veljum okkur stöð í ávaxtastund. Stöðvarnar geta verið mismunandi eftir mánuðum. Dæmi um stövar eru: Skógurinn, Myndlist, Tónlist, Einingakubbar, Leikrit, Spila, Tölur og stafir. Ætluninn er að setja hér inn á bloggið mánaðarlega hvaða stöðvar eru í gangi hvern mánuðinn.

Kveðja Halldóra, Móa og Elín

29. september

halldorah — Tue, 29 Sep 2009 15:45:18 +0000

Í dag fóru vitringarnir í art og svo fóru allir í stöðvavinnu, þar var hægt að velja um einingakubba, myndlist, tónlist og að tálga í skóginum.

Í söngstund erum við að æfa prumpulagið, Guttavísur og Siggi var úti.

Eftir hádegi fórum við með fernur í endurvinnslutunnuna fórum svo út á íþróttavöll og fórum í leiki, fótbolta, fallhlýfaleik og kasta í gegnum hring.

Eftir kaffi fórum við svo aftur út í haust blíðuna.

Takk fyrir skemmtilegan dag Halldóra, Móa og Elín

Fagnaðarfundur

halldorah — Mon, 28 Sep 2009 14:24:12 +0000

Í dag sýndu krakkarnir frumsamið leikrit á fagnaðarfundi. Leikritið fékk það tignarlega nafn Íslandskastali. Leikendur stóðu sig allir með mikilli príði og var gaman að sjá hversu margir áhorfendur komu, það er mikils virði að fá foreldra, ömmur, afa og jafnvel systkyn til að horfa, enda hafa börnin lagt mikla vinnu í leikritið, samið handritið, skipað í hlutverk, fundið til búninga heima eða í leikskólanum og hannað sviðsmynd. Vonandi skemmtu allir sér vel.

Takk fyrir okkur, Skógarkotsbúar