Heiðarkot

Við erum búinn að vera að leika okkur með vatn í þessari viku. Það er búið að vera rennandi vatn sem má leika sér með, sápukúlur og svo fórum við niður að Litlu Laxá að vaða og sulla.

Kv. Adda Sigga

Í gær fórum við í árlega göngu yfir Miðfell. Á leiðinni fengum við okkur heimsins besta vatn að drekka úr læk og sáum vatnið  uppi á fjallinu þar sáum við álftarpar sem hafði það gott og synti í makindum á vatninu. Við enduðum svo í garðinum hjá henni Öddu Siggu þar sem við grilluðum pylsur og hvíldum okkur. Þeir allra hörðustu fóru svo gangandi heim aftur vestan megin við fjallið ferðinni lauk svo um fjögur leitið þegar síðustu ferðalangarnir komu í hús. Krakkarnir stóðu sig öll frábærlega og eru miklir fjallgöngugarpar:) p.s það eru komnar myndir úr ferðinni í albúmið.

Kv. Adda Sigga

Hún Ásdís Mjöll átti afmæli 16.maí og óskum við henni innilega til hamingju með afmælið:)

Við erum búinn að fara í nokkrar lambaferðir. Það fóru tíu börn út í Haukaholt að skoða lömb með Alinu og fjögur með Öddu Siggu í Miðfell að kíkja á lömbin þar. Það er búinn að vera Garðyrkjuvika hjá okkur núna og við erum búinn að setja niður kartöflur og kryddjurtir og heimsækja garðyrkjustöðvarnar Mela og Silfurtún þar sem við fengum að smakka tómata og  jarðarber.

Við höfum verið að vinna mikið með náttúruna upp á síðkastið. Við erum að teikna og mála úti, týna rusl og flokka svo höfum við verið að skoða býflugur og fiðrildi og búa til býflugur og mála fiðrildi. Einnig erum við búinn að merkja okkur tré sem við förum að skoða í hverri viku til að skoða hvernig það vaknar til lífsins og brumið breytist í laufblöð. við merktum okkur líka smá þúfu sem við skoðum líka í hverri viku til að skoða hvernig grasið kemur og hvaða skordýr búa í þúfunni.

Þessi vika verður tileinkuð fagnaðarfundi og verðum við á fullu að undirbúa okkur fyrir hann:)

Kv. Adda Sigga

Það er að koma páskar og við höfum verið mjög dugleg að föndra alls kyns páskaskraut eins og unga sem er búnir til úr pappírskúlum, klippa út unga og páskaskraut svo höfum við límt saman og skreytt. Það er líka búið að vera í boði að vera úti þar sem við höfum verið að týna rusl og svo var farið og fundnar greinar til að hengja páskaskraut á. Við erum líka búinn að vera að æfa okkur að telja út og perla páskamyndir. Við erum að vinna með siðfræði í Art tímum í síðustu viku vorum við að vinna með mannasiðaspjöld þar sem við skoðum hvað er rétt og rangt.

Gleðilega Páska

Kv. Adda Sigga, Hanna Björk, Alina og Sirrý

Við erum með leiklist, leir og útivist í stöðvum þessa vikuna. Það er búið að vera leika með brúðuleikhús í leiklistinni og svo var verið að búa til skrímsli í leirnum. í útivistinni vorum við að veiða í pollunum með greinum og búa til hús í sandinum, sundlaug og vegi. Eftir hádegi erum við búinn að far aí göngu í skóginn og drekka dropana sem komu úr klettunum. Við vorum svo í verkefnavinnu eftir hádegi í dag. Við erum í siðfræði þessa vikuna í Art.

Kv

Adda Sigga

Þá er þessi vika liðin tímin flýgur áfram og vor í lofti þessa stundina og við erum búinn að nýta góða veðrið vel. Það er ekkert eins skemmtilegt og að sulla í pollum og búa til drullkökur og það er búið að gera mikið af þeim þessa vikuna. Það væri gott að fara í gegnum töskurnar um helgina og athuga hvort það vanti ekki aukaföt. Við erum búinn að hafa leiklist, leir, einingakubbar og útikennsla í boði þessa vikuna. Kisurnar fóru í Art þar sem siðfræði var tekin fyrir þessa vikuna og næstu líka.

Kv Adda Sigga