Jæja þá er snjórinn kominn og svaka stuð að fara út að renna og leika sér. Það vantar föt í margar töskur bæði aukaföt til að skipta ef við erum blaut og góða vettlinga (lopa) eru bestir, hosur góðar peysur undir gallana og góða húfu. Við lékum okkur frjálst á stöðvum í morgunn. Það var litastöð, einingakubbar, púsl, trédúkkur og bílar. Það var mjög vinsælt að lita jólamyndir. Við syngjum jólalöginn á hverjum degi og krakkarnir eru dugleg að muna eftir textunum.
Kv. Adda Sigga, Hanna Björk, Jónína, Alina og Sirrý.
Í morgunn lékum við okkur frjálst á stöðvum. Síðan var samverustund þar sem við förum yfir hvaða dagur er í dag og hvaða mánuður og við fáum okkur ávexti. Kisur fóru svo með Öddu Siggu óg Páfagaukar með Hönnu Björk í Hrunakrók að vinna smá leyndó og svo máluðu þau myndir á álpappír og bjuggu til ramma. Hestar voru með Jónínu og Alinu inni á Heiðarkoti þau voru líka að vinna leyndó og síðan máluðu þau jólatré og gerðu klakamyndir. Það fóru svo allir út eftir hádegi.
Við byrjuðum morguninn á frjálsri stöðvavinnu. Eftir ávaxtastund og Art fóru Kisur í tónlist hjá henni Hönnu þau byrjuðu að æfa jólalög og hlustuðu á Þyrnirós. Páfagaukar voru í myndlist að mála jólaskraut hjá Alinu og Jónínu. Hestar voru í útikennslu hjá Öddu þau fóru í göngutúr að skoða jólaljós en við vorum að tala um myrkrið (skammdegið) og ljósinn sem fólk setur upp fyrir jólin. Þau hittu líka hund sem heitir Prins sem á heima á Grund. Við lékum svo úti þar til það var sameiginleg söngstund hjá deildunum, en þar dustuðum við líka rykið af jólalögunum:)
Í morgunn komu nokkrir krakkar úr 10.bekk í Flúðaskóla og lásu fyrir okkur ljóð í tilefni dagsins.
Í gær fóru páfagaukar í ferðalag í Miðfell til Öddu Siggu að skoða rjúpur. En þá hafa allir hóparnir farið í rjúpuferð. Við erum öll búinn að sjá fullt af rjúpum og spá í hvernig þær eru á litin núna og svo á sumrin og þær ropa. Við erum svo búinn að skoða og leika við kettlina, hunda og kanínur. Við erum líka búinn að vera dugleg að vera úti og inni að leika okkur.
0