Heiðarkot

Það er allt að komast í gang hjá okkur á Heiðarkoti ,börnin glöð og kát. Hún Arnfríður frá Daldbæ byrjaði sem leiðbeinandi hjá okkur í gær og bjóðum við hana velkomna. Í næstu viku fer allt á fullt í stöðvarvinnu  og helstu stöðvarnar verða útikennsla því veðrið leikur svo mikið við okkur þessa dagana. Börnin sem eru fædd 2006 fara í ART fram að áramótum þrisvar í viku, þar  sem félagsfærni, reiðistjórnum og siðferði verður tekið fyrir, Hanna og Steinunn verð með krökkunum í Art.

Spennandi tímar framundan og svo má ekki gleyma réttunum sem verða í næstu viku.

Kv Hanna, Erla og Arnfríður

Núna eru flest börn komin á Heiðarkot eftir sumarfrí. Krakkarnir eru glaðir og kátir að hitta vini sína og starfsfólk. Í gær fóum við í berjaleiðangur á Ljónastíginn til Ellu og Júlla, þau buðu okkur að koma að tína ber og við þáðum það með þökkum. Börnin voru mjög dugleg að tína ber, sum borðuðu meira en tíndu:) Hún Ella kom og hjálpaði okkur að tína berin en það eru rifsber og sólber í garðinum hjá henni. Hún gaf okkur svo smá hressingu áður en við héldum af stað aftur í leikskólann. Síðan ætlum við í næstu viku að búa til sultu:)

Kv Hanna, Erla og Steinunn Click to read more …

Við erum búinn að vera að leika okkur með vatn í þessari viku. Það er búið að vera rennandi vatn sem má leika sér með, sápukúlur og svo fórum við niður að Litlu Laxá að vaða og sulla.

Kv. Adda Sigga

Í gær fórum við í árlega göngu yfir Miðfell. Á leiðinni fengum við okkur heimsins besta vatn að drekka úr læk og sáum vatnið  uppi á fjallinu þar sáum við álftarpar sem hafði það gott og synti í makindum á vatninu. Við enduðum svo í garðinum hjá henni Öddu Siggu þar sem við grilluðum pylsur og hvíldum okkur. Þeir allra hörðustu fóru svo gangandi heim aftur vestan megin við fjallið ferðinni lauk svo um fjögur leitið þegar síðustu ferðalangarnir komu í hús. Krakkarnir stóðu sig öll frábærlega og eru miklir fjallgöngugarpar:) p.s það eru komnar myndir úr ferðinni í albúmið.

Kv. Adda Sigga

Hún Ásdís Mjöll átti afmæli 16.maí og óskum við henni innilega til hamingju með afmælið:)

Við erum búinn að fara í nokkrar lambaferðir. Það fóru tíu börn út í Haukaholt að skoða lömb með Alinu og fjögur með Öddu Siggu í Miðfell að kíkja á lömbin þar. Það er búinn að vera Garðyrkjuvika hjá okkur núna og við erum búinn að setja niður kartöflur og kryddjurtir og heimsækja garðyrkjustöðvarnar Mela og Silfurtún þar sem við fengum að smakka tómata og  jarðarber.

Við höfum verið að vinna mikið með náttúruna upp á síðkastið. Við erum að teikna og mála úti, týna rusl og flokka svo höfum við verið að skoða býflugur og fiðrildi og búa til býflugur og mála fiðrildi. Einnig erum við búinn að merkja okkur tré sem við förum að skoða í hverri viku til að skoða hvernig það vaknar til lífsins og brumið breytist í laufblöð. við merktum okkur líka smá þúfu sem við skoðum líka í hverri viku til að skoða hvernig grasið kemur og hvaða skordýr búa í þúfunni.

Þessi vika verður tileinkuð fagnaðarfundi og verðum við á fullu að undirbúa okkur fyrir hann:)

Kv. Adda Sigga

Það er að koma páskar og við höfum verið mjög dugleg að föndra alls kyns páskaskraut eins og unga sem er búnir til úr pappírskúlum, klippa út unga og páskaskraut svo höfum við límt saman og skreytt. Það er líka búið að vera í boði að vera úti þar sem við höfum verið að týna rusl og svo var farið og fundnar greinar til að hengja páskaskraut á. Við erum líka búinn að vera að æfa okkur að telja út og perla páskamyndir. Við erum að vinna með siðfræði í Art tímum í síðustu viku vorum við að vinna með mannasiðaspjöld þar sem við skoðum hvað er rétt og rangt.

Gleðilega Páska

Kv. Adda Sigga, Hanna Björk, Alina og Sirrý