Núna er skógarvikan byrjuð. Á mánudaginn fórum við í göngutúr í Kvenfélagsskóginn og í dag fórum við í göngutúr upp á Hryggjarholtið. Á morgun ætlum við að rölta í Kvenfélagsskóginn og grilla brauð og leika okkur saman.

Kveðja Erla og Steinunn.

Jæja þá er mikið búið að bauka í leikskólanum síðustu tvær vikur. Í síðustu viku var garðyrkjuvika. Þá fórum við í göngutúr í góða veðrinu og kíktum í heimsókn til Eiríks og Olgu í Silfurtúni. Þar var vel tekið á móti okkur og við fengum að kíkja í tómatagróðurhúsið og fengum svo fersk jarðarber áður en við fórum. Þau voru rosa góð!   Svo heldum við sem leið lá á Mela til Gussa og fengum að skoða risastóra gróðurhúsið hjá honum og fengum líka tómata hjá honum.

Í fjallgönguvikunni fórum við í gönguferð yfir Miðfell og grilluðum hjá Öddu Siggu. Það var rosa gaman. Sumir fengu samt far til baka en nokkrir gengu til baka aftur. Þetta var svaka gaman. Sérstaklega að sjá vatnið uppi á fjallinu og drekka vatnið úr læknum.

Í næstu viku er svo Skógarvika. Þá leikum við 0kkur í skóginum, grillum brauð og höfum gaman saman.

Minni á að allir dagar í júní eru dótadagar!

Kveðja Erla og Steinunn.

Það er búið að vera mikið um að vera hjá okkur síðustu vikur. Okkar árlega vorsýning var 21. Maí, gaman var að sjá hvað margir komu og skoðuðu það sem við erum búin að vera að gera í vetur.

Á fimmtudaginn í síðustu vikur var fagnaðarfundur hjá okkur á Móakoti. Við flutum og lékum fingraþuluna (þumalfingur þumalfingur hvar ert þú? ……..) við mikinn fögnuð áhorfenda. Á föstudeginum var svo vordagur með Flúðaskóla. Við fórum í skrúðgöngu úr í kvenfélagskóg, enduðum svo út í leikskóla þar sem við borðuðum pylsur út í garði í góða veðrinu.

Í dag er síðasti dagurinn minn í bili í leikskólanum, þar sem ég er að fara í fæðingarorlof. Vil ég þakka kærlega fyrir góðan og skemmtilegan vetur. Sjáumst að ári. Kveðja Heiða.

Núna er garðyrkjuvika hjá okkur. Við ætlum að setja niður kartöflur og jafnvel að skoða einhverjar garðyrkjustöðvar. Kveðja Heiða, Steinunn og Erla

Í þessari vikur eru foreldrasamtöl í gangi hjá okkur svo endilega komið ykkar sjónarmiðum á framfæri.
Lengi getur gott batnað.
Við erum búin að vera heilmikið úti í góða veðrinu.
Við ætlum að vera mikið úti í ýmsum verkefnum. Skoða það sem er í kringum okkur og hvernig allt er að vakna, grasið að grænka og laufin eru að koma á trén.
Munið foreldrasamtölin á Móakoti á morgun. Kveðja Heiða, Steinunn og Erla.

Á mánudaginn fórum við í gönguferð niður að Litlu Laxá. Áin var mjög skítug, við hentum líka mörgum steinum í ánna. Síðan fórum við í smá fjallgöngu, fórum upp brekkuna hjá hótelinu. Það voru allir mjög duglegir að ganga upp brekkuna, fórum svo aftur út í leikskóla.

Í dag var vordagur hjá okkur. Allir skemmtu sér mjög vel. 1 og 2 bekkur komu og voru með okkur. Allir sem vildu fengu andlitsmálum. Við vorum mikið úti, að smíða, kríta, sippa, í snú snú og parís, leika með fallhlífina og margt fleira skemmtilegt. Unnsteinn frá Efra-Seli kom og grillaði fyrir okkur hamborgara, þeir smökkuðust mjög vel. Eftir hvíld fóru sumir út og aðrir voru inni. Á morgun er sumardagurinn fyrsti, þá er lokað hjá okkur.
Gleðilegt sumar kveðja Heiða, steinunn og Erla.

Á mánudaginn fórum við í gönguferð úr í skóg. Við völdum okkur birkitré sem við ætlum að fylgjast með, hvernig það breytist þegar líður á sumarið. Á þriðjudaginn teiknuðum við svo mynd af trénu okkar.
Alina bauð okkur upp á ís á miðvikudaginn, hún átti 30 ára afmæli á þriðjudaginn. Takk fyrir okkur og til hamingju með daginn Alina.
Í dag vorum við mikið inn á Heiðarkoti, síðan fóru allir út að leika. Góða helgi. Kveðja Heiða, Steinunn og Erla.

Í gær fórum við í gönguferð að tína rusl í trjánum í kringum hótelið. Við fundum rosalega mikið rusl sem við fórum svo með í ruslagáminn. Töluðum um það hvort að maður ætti að henda ruslinu svona út um allt, hvar við ættum frekar að henda ruslinu? Að sjálfsögðu á að henda ruslinu í ruslaföturnar. Sáum marga bíla og stórann tragtór með stóra kerru aftan í, ekkert smá flottur. Vorum mikið úti að leika okkur í góða veðrinu. Myndir úr rusla tínslunni eru komnar inn á heimsíðuna.

Í dag voru Flugvélar í Einingakubbum og Bangsar í könnunarleik. Síðan fóru allir út að leika. Eftir hádegi var hvíld, nám og leikur úti og inni. Kveðja Heiða, Steinunn og Erla

Í dag á leikskólinn okkar 28 ára afmæli, af því tilefni hittust allir inn á Móakoti sungum afmælissönginn og borðuðum popp. Síðan teiknuðum við myndir af leikskólanum okkar og töluðum um það hvað væri skemmtilegast að gera í leikskólanum.
Ragnheiður átti 2. ára afmæli 4. apríl, af því tilefni bauð hún okkur upp á ís. Takk fyrir okkur Ragnheiður.
Nýr starfsmaður var að byrja hjá okkur á Móakoti í dag, það er hún Erla frá sólheimum. Hún verður hjá okkur frá 9 – 15 á daginn. Bjóðum við hana velkomna til okkar. Kveðja Heiða, Steinunn og Erla.
Það eru komnar nýjar mydir.

Í síðustu viku var ýmislegt brallað. Við fórum í tónlist, þar vorum við að hlusta á, dansa og leira eftir tónverkinu Tröllaslagur. Í myndlist vorum við að mála myndir fer fingrunum. Á fimmtudeginum var svo fagnaðarfundur hjá Skógarkoti, þau flutu fyrir okkur leikþátt við lagið Guttavísur við mikinn fögnuð áhorenda.

Í þessari vikur erum við búin að vera að undirbúa páskana í myndlist og í tónlist erum við búin að vera að hlusta á obbosí diskinn eftir Kristjönu Skúladóttur, lagið um líkamann, læra hvað líkamshlutarnir heita og hvað við gerum við þá. Sungum saman lagið Ég er furðuverk og spiluðum á hristu. Erum búin að leika okkur mikið úti í dag í góða veðrinu. Kveðja Heiða, Steinunn og Sirrý

Á þriðjudaginn í síðustu viku var fagnaðarfundur hjá okkur á Móakoti. Við fluttum fyrir áhorfendur Vinalagið (um það að það eru ekki allir eins) og Krummi krunkar úti, við mikinn fögnuð áhorfenda. Það var líka kerlingadagur þennan sama dag. Mömmur, ömmur og frænkur komu í heimsókn til okkar. Takk fyrir komuna kerlingar.

Þeir sem eiga eftir að koma með myndir af fjölskyldunni sinni (t.d. mamma, pabbi, systir, bróðir, afi, amma, frændi, frænka eða gæludýr) gott væri að fara að fá myndirnar sem fyrst. Sumir eru nefnilega komnir með myndirnar sínar og er það mjög vinsælt að skoða þær.

Á mánudaginn byrjaði hjá okkur nýr strákur hann Rökkvi Snær, bjóðum við hann velkominn. Sirrý verður hjá okkur fyrir hádegi í mars, annars er hún eftir hádegi á Heiðarkoti.

Í dag erum við búin að vera að leika okkur í frjálsum leik, eftir ávaxtastund fórum við í hópastarf, við vorum að mála með gullum, bláum og hvítum litum á blað. Síðan fórum við út að leika okkur í snjónum. Eftir hádegi og hvíld fórum við á bókasafnið þar sem hún Áslaug tók á móti okkur. Við fengum að skoða bækur og teikna myndir. Síðan las Áslaug fyrir okkur bók sem heitir Besta knús. Kveðja Heiða, Steinunn og Sirrý.