Móakot

Karladagurinn tókst með miklum ágætum!! Fullt af körlum komu í heimsókn til okkar og skemmtu allir sér rosalega vel! Allir karlar voru leystir út með gjöfum sem börnin eru búin að vera að föndra handa þeim undanfarnar vikur. Takk kærlega fyrir komuna karlar!

Bráðlega hefst svo undirbúningur fyrir konudaginn og dag leikskólans og svo síðast en ekki síst stórafmæli leikskólans Undralands. Það verður því nóg að gera á Móakoti næstu vikurnar, enda líður tíminn alveg ótrúlega hratt.

Endilega kíkið svo á myndasíðuna okkar. Ríflega 100 nýjar myndir komnar inn í dag.

Bestu kveðjur

Erla og Adda Sigga

Í þessarri viku er mikið að gera í undirbúningi fyrir karladaginn sem verður á föstudaginn kemur. Verið er að útbúa rosalega flott boðskort, gjafir, myndir og skráningu.

Síðasta vika var nýtt í að vinna með formin sem eru aðalþema janúarmánaðar.

Bestu kveðjur

Erla og Adda Sigga.

Í gær fóru allir í leikskólanum í mikla skógarferð í Kvenfélagsskóginn okkar. Þar fengum við  heita saft og smákökur við varðeldinn. Þetta var rosalega gaman þótt það væri pínulítið erfitt fyrir stutta fætur að fóta sig í snjónum. Þá fengum við bara far í vagninum.

Í morgun var svo þrettándaball. Konurnar í leikskólanum voru búnar að færa öll borðin og stólana frá í Hrunakróknum og því var nóg pláss fyrir alla í leikskólanum til að dansa og leika sér. Við vorum líka með innisprengju sem var rosalega flott og fullt af dótaríi sem kom úr henni. Við opnuðum líka pakkana sem foreldrar gáfu okkur um jólin og mikið rosalega var flott dót í þeim!!! Þökkum öll kærlega fyrir okkur. Þá kvöddum við líka jólin og jólasveinana og dönsuðum svo dátt. Eftir það var matur og svo hvíldum við okkur smá inni á Litla-Koti enda verulega lúin eftir annasama viku.

Næsta vika verður spennandi og skemmtileg í áframhaldandi vinnu með formin.

Bestu kveðjur Erla og Adda Sigga.

Jæja núna eru allir að verða komnir í hús aftur eftir jólafríið. Allir eru sprækir og hressir og fer nýárið vel af stað.

Í janúar verðum við að vinna með formin í öllum sínum myndum og fjölbreytileika. Í morgun bjuggum við til óróa til að hengja upp hjá okkur og komu þeir mjög vel út og lífga enn meira upp á deildina okkar.

Á morgun verður svo tónlistarstund í staðinn fyrir göngutúrinn þar sem allir á leikskólanum ætla að fara í skógarferð á fimmtudaginn. Það á eftir að verða mjög spennandi og skemmtilegt enda veðrir einstaklega fallegt þó kalt sé.

Núna förum við Adda Sigga að taka fleiri myndir og setja inn á myndasíðuna okkar svo endilega fylgjast vel með!!

Bestu nýárskveðjur

Erla og Adda Sigga.

Í gær var jólaballið haldið. Það var mikið stuð og mikið dansað undir stórleik Undrabandsins. Jólasveinninn kom í heimsókn og gaf okkur fallegar gjafir úr pokanum sínum. Svo var dansað í kringum jólatréð sem börnin voru búin að skreyta svo fallega.

Framundan eru rólegheit og dúllerí á Móakoti og lítið um eiginlegt hópastarf fram á nýárið en þá fer allt á fullt aftur.

Við munum halda áfram að setja myndir og myndbönd á síðuna okkar svo endilega fylgist vel með!

Gleðileg jól og farsælt komandi ár kæru foreldrar og aðstandendur! Við á Móakoti þökkum kærlega fyrir yndislegt ár sem er að líða!!

Jólakveðjur

Erla og Adda Sigga.

Hann Sigurjón Ragnar  varð tveggja ára í gær 11 desember í tilefni afmælisins var sungið fyrir hann og hann fékk afmæliskórónu. Til hamingju með daginn þinn Sigurjón Ragnar.

Kveðja frá okkur öllum á Undralandi

Í þessari viku hefur verið mikill kuldi þannig að það hefur verið mikil innivera. en samt sem áður gafst veður  í gær og í morgunn til að fara út í sleðaferð. Það er svaka stuð að sitja á snjóþotu og láta draga sig svo höfum við verið heppinn að  fá lánaða sleða hjá eldri börnum til að sitja á.

En í allri innuverunni höfum við verið að gera fullt af skemmtilegu eins og  að far á leiksýningu í félagsheimilinu sem hét Prumpuhóllinn það voru flestir mjög áhugasamir en sumum fannst þetta nú soldið hræðilegt og vildu helst ekki horfa   Einnig var piparkökubakstur hjá okkur það komu pabbar ömmur og mömmur í heimsókn ti okkar og baka með okkar og svo smökkuðum við á kökunum og þær voru ljúffengar með kaldri mjólk .  Við  máluðum  flotta engla og snjókarla sem eru komnir upp á vegg hjá okkur við höfum leikið með fallhlíf og borða sem var svaka stuð ( sjá myndband á vef ). Við bjuggum til þessa líka flottu kertaskreytingu sem er á einu borðinu frammi úr trölladeigi og alls kyns verðlausu efni.

 Á hverjum morgni hafa verið sameiginlegar samverustundir allra deilda hjá okkur hér á Mókoti þar sem allir koma saman og syngja jólalög, Halldóra spilar á gítar og við kveikjum á aðventukransinum okkar. Þessi stund endar svo með því að það er opnaður pakki af dagatalinu okkar,  þá fer einn af hverri deild og sækja  pakkann og opna saman.

Góða Helgi

Kv. Adda Sigga og Erla

Það er búið að vera mikið að gera þessa vikuna!

Við erum búin að renna mikið á snjósleðum, leika inni í könnunaleik, mála, undirbúa jólagjöfina til mömmu og pabba og margt fleira.

Í dag fórum við út kl 09:20 og kveiktum á jólatrénu öll saman, dönsuðum í kringum jólatréð og sungum saman. Eftir það fórum við að leika í snjónum og svo inn að gera klárt á Móakoti fyrir Heiðarkot og Skógarkot sem var að koma í heimsókn til okkar. Þau komu um 11 leytið. Freyja las sögu fyrir okkur og kveikti á aðventukransinum. Eftir það sungum við lög og 1 barn af hverri deild fór að sækja pakka saman og opnuðu hann fyrir okkur. Að þessu sinni voru það Patryk Zenon, Ástbjört og Anna sem voru fulltrúar sinnar deildar í að opna pakkann. Þetta var rosalega spennandi!!!

Í fyrramálið kemur svo séra Eiríkur í heimsókn til okkar á Undralandi og þá koma allir í heimsókn á Móakot og hlusta á hann segja sögur og syngjum öll saman.

bestu kveðjur frá öllum á Móakoti

Það var fagnaðarfundur hjá okkur í morgunn. Við sungum þrjú lög bílalagið, köngulóalagið og dýragarðinn ( texta af lögunum má finna á vef sen heitir bornogtonlist.net ) Það stóðu sig allir mjög vel upprennandi söngvarar hér á Móakoti.

Kæru foreldrar/forráðamenn!

Á fimmtudaginn 24. nóvember ætla allir á Móakoti að halda Fagnaðarfund. Foreldrar, afar og ömmur eru velkomin í heimsókn til okkar. Við byrjum kl. 09:40 í Hrunakrók.

Vonumst til að sjá sem flesta!!!

kv Erla, Adda Sigga og allir á Móakoti.